1 Février 2010
Ur wech e oa, ur wech ne oa ket met ur wech e oa memestra ur plac'h anvet Gwen. Ur plac'h gant blev melen e oa. Pinvidik mor e oa ha n'he doa mignon ebet. Kalz a boulloù-neuial he doa, kalz a skrammoù plasma unan he doa a oa brasoc'h eget un dachenn tennis.
Un deiz e oa aet da brenañ un DVD evit sellout outañ diouzh an noz war he skramm bras meurbet. An noz a gouezhas neuze ez eas da lakaat he film. Pa lakaas war enaou an tele ur vouezh a lavaras :
« Piv out ? » a lavaras ar skramm.
« Gw...Gwen on .» a respontas.
« Perak t'eus dihunet ac'hanon ? »
« C'hoant moa sellout ouzh un DVD. »
« Naon m'eus. C'hoant m'eus drebiñ kig. Met pas n'eus forzh peseurt kig. C'hoant m'eus drebiñ kig un den. »
Gwen a gomprenas e oa o komz diouti neuze e redas betek ar jardin. Gortoz a reas war ar gourvezvank. Pa glevas ur vouezh all:
« C'hoant m'eus drebiñ kig ! » a lavaras ar vouezh.
- « Ahhhhhhhhhhh... »
Ar gourvezvank a oa o komz ivez. Soñjal a reas pellgomz d'ar polis. Digor a reas he hezoug. Ur vouezh all a gomzas:
« Emaon o vont da zrebiñ ac'hanout. »
« Perak oc'h eus c'hoant drebiñ ac'hanon? » a c'houlennas Gwen.
« Peogwir m'eus naon. »
Redek a reas betek kreiz-kêr hag ez eas da welout ar boliserien. Evit kontañ he istor. Met ne gredjont ket anezhi. Goulenn a rejont ma he doa butunnet. Respont a reas n'he doa ket. Neuze ez eas da welout Perrig ur paotr ispisializet war an arnodennoù dreistordinal. Lavar a reas n'en doa james klevet un istor a-seurt-se hag e heulias anezhi betek he zi. Mont a reas war ar gourvezvank en doa bet c'hoant drebiñ anezhi a-raok met n'en doa ket naon ken peogwir en doa drebet he c'hi, an hezoug en doa drebet ul logodenn hag ar skramm he zri c'hazh. Trist e oa Gwen met dinec'het e oa.
Tri bloaz goude e adkrogas ar memes istor. Neuze ez eas da welout Perrig. Labouret en doa war ar sujed hag e lavaras dezhi e oa peogwir e oa steudet ar planedennoù. Ne c'hoarvezhe nemet teir gwech en ur vilvedell.
Gwenn a oa amourous deus Perrig. Mont a reas da welout anezhañ evit anzav dezhañ he zrivlioù. Eñ ivez a oa amourous.
Pemp bloaz goude e timezjont. Bevañ a reont eurus.
Fin
Corentin