16 Mars 2012
Dec'h da noz, evel bep Yaou ez eus bet aozet ur veilhadeg er skolaj...
Ar chañs hon eus da gaout Marie-Gaëlle da stajiadez er skolaj a-hed ar sizhunvezh. Kinniget he deus, gant sikour ar gasourien, aozañ ur veilhadeg war danvez an arzoù, ar pezh a blij dezhi kalz !
Aozet 'zo bet tri stal diwar-benn an Nevez-amzer:
Ur stal livaj gant Marie-Gaëlle, div follenn vras, 12 skolajiad, liv (pennlivioù nemetken), ijin ha startijenn !
Ur stal Haïku gant Clément ha Melen, pevar a zo bet skrivet ganto:
Ar geot a zo brav
Er maez ne ra ket glav
Glas eo ar geot
Bleunioù o tivañ
An heol o lugerniñ
Bed o aveliñ
Ar geot a c'hoari
An heol war ar wezenn
Labous en e neizh
Ur bugel a nij er-maez
debret ar bugel
Ur stal pegañ gant Chloé, ur bern paper adimplijet hag awenet ar skolajidi gant an danvez !
An disoc'h a zo dreist, ha staget er sal vras: deuit da welet, ne veoc'h ket dipitet !