31 Mai 2012
Aozet e oa bet gourfenn ar Skrivadeg a Karaez disadorn tremenet. 98 den o doa kemeret perzh, en o-zouez skolajidi ha kelennerien Skolaj Diwan Liger Atlantel.
War ar renk kentañ, skolajidi Naoned o labourat start : Elouan, Julia-Marie, Melen ha Keridwen
Kentañ tro an abadenn reizhskrivañ brezhoneg a oa d'an 10 a viz Meurzh. D'an deiziad-se e oa bet dibabet ar re a yafe d'ar gourfenn. Ur bern skolidi eus Diwan Naoned, Skolajidi St Ervlan hag o c'helennerien a oa bet pedet da vont da gKaraez.
E Karaez e oa bet awenet tud ar skolaj ! Evit rummad ar skolajidi eo aet ar maout gant Keridwen hag an eil priz gant Julia-Marie! Malo Adeux, kelenner er skolaj 'n eus bet an trede priz evit rummad an dud a vicher.
Gourc'hemmennoù d'an holl !!!
Prizioù-all a zo bet roet da dud Naoned evit rummad ar re CE, met ivez da dud deuet o kregiñ gant ar yezh.
Ouzhpenn-se ar skolajidi o doa bet tro da welet o c'helenner war al leurenn