Tro ha distro 2013

4 Octobre 2013

Chañsus-tre oamp bet evit ar fest-mañ.

Kemennet e oa bet en deizioù a-raok un amzer etre pe fall...

Ur bourmenadenn a-feson a oa bet diouzh ar mintin e hentoù kuzh St-Ervlan, buhezet gant sonerien, dansourien, kanerien. Ur blijadur e oa mont da vale gant tud a bep seurt oad, hag en o-zouez skolajidi « gozh » a zo bremañ el lise (pe e liseoù liesseurt).

Digoridigezh un diskouezadeg a oa da greisteiz, er sal vras : diskouezadeg Loeiz Bloñs gouestlet da Ziwan ha da stourmoù evit ar brezhoneg. Eil maer Sant-Ervlan, Bertrand Affilé, a oa deuet diwar pedadenn Yezhoù ha Sevenadur evit lidañ 5vet deiz-ha-bloaz ar greizenn ha kadarnaat e vo harpet gant ti-kêr Sant-Ervlan ar raktresoù nevez.

Ur fest-deiz a oa bet war-lerc'h, kendalc'het e oa bet ar fest a-hed an deiz, gant skignañ filmoù graet er skolaj pe gant skolajidi pe diwar-benn Diwan.

Gwelet e oa bet zoken an heol e-kerzh an endervezh.